السبت، 9 يناير، 2010

عن الملل و 2010


نفسى فى حاجه تغير طعم الملل
اللى فـ روحى..

بدور بهستريا عن أغنيه
فيلم
لوحه
كتاب
لعبه
أو حتى حاجه اقراها فى أى مدونه
تخلينى أحس إنى مبسوطه..
تلون روحى..
تخلينى اضحك بجد
أو حتى أعيط بجد
أو أندهش
أو افتكرها ساعه كامله بعد
ما اخلصها..


كنت مستنيه مفاجأه من الدنيا بس مجتش...
حتى النتيجه أصابتنى بخيبة أمل رهيبه..
ودى أول حاجه تجيلى فى 2010
اللى هى المفروض سنة الحظ بتاعتى
وفقا للأبراج..
بس اللى أنا عارفاه إن 2010 بالنسبه لى
سنة الانتظار واللا حياه ..

هناك 6 تعليقات:

dr.w.krm يقول...

السلام عليكم هابى
انا ولاء طالبة بكلية الطب جامعة القاهرة ....واصلا من الزقازيق ...عجبنى كلامك اوى اوى وحسيت انك قد ايه انسانه رقيقه يارب نتعرف اكتر وتزورى مدونتى وتمتعينى بتعليقاتك هكون سعيده جدا

اقصوصه يقول...

الانتظار

وان طال

فلا بد له من نهايه :)

واحد من الناس يقول...

"اللى هى المفروض سنة الحظ بتاعتى
وفقا للأبراج.."

إنت بتصدقي الكلام ده برضه؟؟؟

كذب المنجمون ولو صدفوا

بالنسبه للنتيجه فهي صدمت كل الناس إلا اللي بالي بالك

حسبنا الله ونعم الوكيل

ويا رب سنة 2010 تبقى سنة حظك فعلا

بس مش وفقا للأبراج :)

سلام

non.fragile يقول...

يالهووووووووووووى يابت ياهبه فعلا ملل ملل كفايه ان الboss الكبير مش موجود معانا.ربنا يرجعوا بالسلامه ليكي ياقلبي ونفرح بيكو يارب ويعوضك عن الملل اللي انتي عايشاه ياااااااااااااااارب .......... سلام ياموزتي

hana يقول...

والله ملل وأي ملل
أحياناً بل كثيراً
ما أجدني في دوامة من الملل والإحباط
الغير منتهية
باحثة وربما ما زلت ابحث عن وميض
تدرين وأن اقرا لكِ
اشعر أني مع نغسي
دمتي بكل الحــب

هنون

hana يقول...

ياربي أنا فكرة اني رديت عل البوست
بس مش عارفة راح ردي فين
معقول تهيؤات

بس تسلم إيدك مليون مرة على رقة الحروف والاحسآآآس
هنــــأااا