الجمعة، 26 ديسمبر 2008

نهار شتوى جدا


صباحك سعاده ..
وبلوفر رصاصى ..
وقهوه زياده ..
وناس بردانين
وواحد بيجرى
بلبس الرياضه ..
وواحده حاضنه كتابها
بإيديها
خطوتها سريعه
وفى عينها إراده ..
وطالب مش باين من كتر
الهدوم
شايف من الدراسه
مفيش استفاده ..
وبنت بتضحك ويطلع بخار
تشوفه فارس وراكب حصانه
وترسم ملامحه بكل استفاضه ..
و أختى نايمه متغطيه
والبطانيه نصها على الأرض ..
وحبيبى إيديه فى جيوبه
وبيتكتك من كتر البرد ..
وأنا بتفرج على الناس وبغنى
" عم خليل بيسقى الورد . "

الجمعة، 12 ديسمبر 2008

بادور عليك


بادور عليك فى كل الحاجات..

فى صوره قديمه ..

فى عمرى اللى فات ..

فى ملامحى اللى كبرت

فى بعدك كتير ..

فى ضفاير مجدوله

فوق ضهر البنات..

بادور عليك فى كل الحاجات..

فى عتمه ، فى نور..

فى قمقم وتايه وسط البحور ..

فى ترعه بتجرى وسط التعب

ووسط الآهات ..

بادور عليك فى كل الحاجات ..

فى كحلى اللى ساح ..

فى واحده مش شاطره

غير فى النواح ..

فى حدوته نهايتها تبات ونبات ..

بادور عليك فى كل الحاجات ..

فى ناس واقفه فى طابور العيش ..

فى بصمه إيديا و أنا بعمل فيش ..

فى كلمة أمى معدش ومفيش ..

فى غنوه فى الراديو بتقول ساعات ..

بادور عليك فى كل الحاجات ..

فى سبحة جدى القديمه أوى ..

فى ضحكه عاليه لكن مش أوى ..

فى دعوة مظلوم ربنا على القوى ..

فى أول كلمه بعد السكات ..

بادور عليك فى كل الحاجات ..

فى ملاية سرير ..

فى عز الحر فى كوباية عصير ..

فى حاجه ضايعه وفارقه كتير ..

فى فرحه معاها حبة عياط ..

بادور عليك فى كل الحاجات ..

فى دمعه ويا الحنين سهرانه ..

فى نجمه باصه على النيل

لكنها عطشانه..

فى بطانيه تدفينا وهى بردانه ..

فى يوم بدايته شاى وبقسماط ..

بادور عليك فى كل الحاجات ..

بادور عليك فى الوحده والزحمه ..

بادور عليك فى الصحبه والرحمه ..

فى ورقة جرايد لافين بيها

اللحمه ..

فى كلمة حب تقرب المسافات ..

بادور عليك فى كل الحاجات ..

فى لون الزرع بعد شوية مطر ..

فى سحابه معديه و مخبيه القمر ..

فى برواز صور وقع انكسر ..

فى جارنا اللى فى الغربه

وباعت السلامات ..

بادور عليك فى كل الحاجات ..

فى بلوزة جديده قطع

كمها المسمار ..

فى صعيدى بيقدم كفنه

خايف من التار ..

فى حبيب سامح حبيبته

من غير اعتذار ..

فى حكايه منسيه من دون الحكايات

بادور عليك فى كل الحاجات ..

الأحد، 7 ديسمبر 2008

حياه رائعه


ده رد على أستاذ حسام




يا سيدى

أأرهقك الجنون

فى عوالم غيرى من النساء ،

واليوم

جئت لتهدأ بين يدىّ ..

لتصمت بين يدىّ ..
لتخمد بين يدىّ..

أأرهقك الصخب والثورات

وجئت إلى عمرى

لتذيقنى حياة تشبه الممات ؟؟

يا سيدى

أنا لست امرأة فاشله

أنا امرأة

سعت إليك

يوماً بالجنون ..

ويوماً بالثوره..

ويوماً بالتدليل..

أنا امرأة ضاع عمرها

فى التصفيق لبراعتك

والتهليل..

أنا امرأة ضلت الطريق

لسرك

انصهرت فى التفسير والتعليل..

أنا امرأة

ملت من حكاياتك القديمه

عن ضياع فى حبك من النساء

كثير..

واليوم تظن أنك تمنحنى

حياة رائعه..

بل قل حياه بالملل متشبعه..

حياة راكده..

محبطة..

مروعه..

حياة انتحرت فيها أحلامى

من أشجار الصفصاف

تدلت بأحبال متقطعه..

أزعجك منى التمرد ..

حتى صرخاتى

حسبتها صرخات ثوره

ولم تدرك أنها

صرخات امرأة متوجعه..

أنا قد سئمت

من الكلام..

من الآلام..

من نبضات مــتصنــِعه..



الأربعاء، 3 ديسمبر 2008

جيل هادئ


ده ردى على " أنا لا يغادرنى أحد"
لأستاذ حسام..



أرحيلى عنك يساوى الموت؟
إذاً فاخرج كل سيوفك
الصدئه
ومزقنى..
اقطع أوردتى وشرايينى..
اقتلنى..
ربما لمره واحده
سأراك ثائراً
سأراك غاضباً
سأراك خرجت عن الأفعال المتزنه
وحدود الممكن
والمعقول..
يا رجلاً من جيلٍ هادئ
سئمت هدوءك وجنونى..
سئمت القوانين والدساتير..
سئمت الضحكات الوقوره
والأحاسيس الوقوره..
حقاً يلزمنى التغيير..
أحتاج لزلزال يضربنى..
أحتاج براكيـــن
أعاصيـــر..
خبيرُ أنت بالأشياء
بالخطط
بالحرب الطويل..
ولكن ماذا عن روحٍ تختنق
بصمتك ..
بهدوءك ..
بكلامك القليل ؟؟
ماذا عن روحِ
عرفت المنطق بحبك ؟
عرفت المسموح والمستحيل ؟
ماذا عن روحٍ تعلمت
الحساب على يديك
والفلسفه
والتفسير
والتحليل؟
ماذا عن روحِ
يسكنها فى حبك
الخدر والتنميل؟
فاخرج أسلحتك واقتلنى
فالقلب من دهر
قتيل..

أنا لا يغادرنى أحد



ده رد أستاذ حسام على سأرحل عنك..
مدونة كلام حسام

تمهلي
أن كنت نويت الرحيل
فأتركيني خلفك قتيل
فاي حياة أحياها
كل ارض لا تخطي عليها
هي أرض المستحيل
تمهلي
لا تتركي أحلامي
كل حلم كانت سماؤه عيناك
كان يوم ولادته جميل
هل تهوي تشويه الأحلام
لتأخذي سكين الكلمات
ومزقيني علي أوراقك
يا امرأة
لا تهوي سوي ليل الصخب والتهليل
سأبقي علي هدوئي دوما
فأنت تخافين الهدوء
تخافين من عواصفي داخل الهدوء
ترتعبين من اعاصيرى داخل الهدوء
احقا ترغبين الرحيل
ام أنك تخشي
أن تستيقظي يوما
لتجديني كففت عن مديحك والتبجيل
انا لا يغادرني أحد
ليس لك الأختيار
فتوهمي كما شئت
بإني صغير ضئيل
وفسري كل كلماتي
فسري كل افعالي
ضعي كل أيام معك رهن التحليل
تمهلي
أنا لا يغادرني أحد
أنا لن أثور
لن أشعل النيران
لن أمزق صورك
ولن أكف عن حبك
فسلمي للأمر
لا اعرف الاستسلام
فأنا لست من هذا الجيل
أنا من جيل آخر
جيل قد تجهليه
جيل هادئ
يعرف عمق الأشياء
له نفس في الحرب طويل
تمهلي
أن كنت ترغبين الرحيل
فأنا لا يغادرني أحد
ولنحسم الأمر
لتكوني قتيلة
او استديري
لأكون قتيل

الجمعة، 28 نوفمبر 2008

سأرحـــل عنـــك







سأرحــــل عنك
خلـــف السحابات الداكنة
سأختبئ من أحلامك
سأضع بيننا
ألف ســـور..
ألف بــــحر..
ألف مدينة مهجورة..

سأرحـــل عنك
لم تدرك أبـــداً
كم كنت جاحده عندما اســمع كلمات
الحب ولا يرتعش لها قلبى..
كم كنت آثمه عندما ألهو ببراءه
على أنقاض آمالك..
كم كنت جارحه عندما أخفى
عنك أنك لست آخر حكاياتى...

سأرحل عنك
أرجوك
لا تجيب على كلماتى الحاده
بكلمات مستكينه..
لا تخشَ على إغضابى..
إغضب..
ثــــُــر كما لم تثر من قبل..
ارفع صوتك الهادئ قليلاً..
فأنا سامضى على أى حال..
لا تدعنى ارحل ببال رائق..
لا تتركنى امضٍ
دون أن تنعتنى بالقاسيه..
أو تنظر لى شذراً..
أو تهددنى بالنسيان الفورى..
مزق صورى
القٍ بخطاباتى فى سلة المهملات..
ثـــُـــر يا عزيزى
لا تتمسك بالذوق العام الآن ..
اصفعنى بقوة..
فقط لا تقبل انسحابى من
حياتك بهذا الهدوء..
لا تقابل جرحى لك
بالابتهالات الدامعة..
لا تلتمس لى الأعذار..

سأرحل عنك
وعندها
لا تبكى لأجلى قليلاً
أو كثيراً..
قل خائنه..
قل قاسيه..
قل ما تقول..
ألعن وهم الحب الأبدى..
ألعن كل النساء..
فقط لا تعذب المزيد من لياليك بحبى..

سأرحل عنك دون مزيد من
الكلمات الملونة..
دون محاولات منى أن أبدو
ضحية آخرى..
دون أن ابحث عن
عذر مقبول..
دون أن اكتب خطاباً عن
آسفى وانهيه
برغبتى فى الانتحار..
دون أن اسكب لعناتى
على الزمن..
أو الأحوال
أو القدر..

سارحل عنك
فلا تنتظر منى أن أعود
فأنا لن أعود..
لا تحلم بندمى
فمن لم يهواك لا يندم
عليك..
لا تضمنى فى أحلامك
فلم أعد يعنينى دور البطولة
فى عمرك..

سأرحل عنك
اقولها فقط الآن
بعد أن رحلت ألحانى عنك
منذ زمن طويل..

الخميس، 20 نوفمبر 2008

فقط امرأة آخرى


أرجوك
لا تدعونى ملاكاً
فأنا لست ملاكاً
ولا أجيد التعامل كالملائكة..
أنا فقط امرأة آخرى
من هؤلاء اللاتى
يحببن بصدق
ويضحكن بصدق
ويتألمن بصدق..
أنا فقط امرأة آخرى
فشلت جميع محاولاتها
فى أن تــُـذيب لــك بعض
النجوم فى فنجان الشاى..
أو أن تصنع لك من ضحكاتها
رداء ترتديه فى الشـــتاء..
أنا فقط امرأة آخرى
تصنع من أحلامها
عقود و أساور
ليست للبيع ..
ومن آمالهــــا
سفن و طائرات ورقية..
ومنـــك أنت وشـــم
غير قابــل للمحو على عمرها..
أنا فقط امرأة آخرى
لم يهواها رجلٌ
بجنون ..
لم يسكب عاشــق عند قدميها
عمره ...
لم يــُـكتب عنها فى قصيده حب..
أنا فقط امرأة آخرى
حماقاتها غير محدودة..
وأخطائها غير مبررة..
وشهواتها تـــُـرجعها للأرض بقسوة..
أنا فقط امرأة آخرى
لا يسعدها أن تدعوها ملاكاً
فهى ليست ملاكاً
ولا تجيد التعامل كالملائكة..

الخميس، 13 نوفمبر 2008

رحيل


سترحل عنى طويلاً طويلاً
وتتركنى خلفك بليل ثقيل
وتمضى حياتك وحدك بدونى
و أظل وحدى بصبرى القليل
وتنسانى يوماً
وتنسانى شهراً
وتنسانى عمراً
بعد الرحيل..
وتنسى وجهى
وتنسى حنينى
وتنسى قلباً لقلبك يميل..
و أُدرك أنك ستندم يوماً
بعد مضى الحلم الجميل..
ولن يجدى ندمك بعد موت
الشوق شيئاً
فلا يجدى بعد الموت العويل..

الأحد، 9 نوفمبر 2008

أخــِـر صلواتى


سأتـــرك شعرى طليـــقــاً
تلهو به أيدى الهواء..
وأرتـــدى حذائى ذو الكــعب
العــالى جــداً
وذو الصـــوت الصاخب جداً..
سأطــلى وجهى ببعض المســاحيق
اللامــعة..
وأرتـــدى هذا الفستان الأحمر..
واحمل جميع أسلحتى..
فى ردائــــى
وفى أحمر الشفـــاه
وفى هذه القلاده التى وضعت بها
آخر تعويذاتى..

سآتى إلـــيك
واطرق على باب قلبك بقــوة
وأسألك حبك..
سأطــــرق
بحمـــاس
بعــــــناد
بأمــــــل
بصــــخب..
سأطرق طويلاً حتى تجيب..
وإن لم تعنيك طرقاتى
سأجثو أمامك على ركبتىّ
وأهبك بقايا كبريائى
وانكسر وانهزم أمامك
وأتوسل إليك..
سأقسم على حبـــك حتى الممات..
وأعــدك بكثير من التضحيات..
إن فقط أحببتنى..
فقط أحبنى ..
أحبنى ..
سأرددها فى سرى كثيراً
وفى علنى
فقط أحبنى
أحبنى
سأنظر إلى عينيك بقوة
واصلى أن تحبنى..

وإن لم تهتم كثيراً لكلماتى
وصلواتى
سأرقص أمامك كطير ذبيح
يؤدى رقصته الأخيرة بحماس..
سأرقص بمرح لم تعتاده من قبل
وجرأة لم تعرفها منى..
وسأحمل أطراف فستانى
وخيبة أملى سوياً
وأرحل
أرحل بعيداً جداً
ربـــما
ربــــما أجد فى عالم آخر
من يهوانى أكثر...


الخميس، 6 نوفمبر 2008

جدول أحزانى


الســـبت
ســــأحزن علـــى هجـــرك بلا مبــرر...


الأحــــد
سأحــــزن على أيـــام سعيـــده معك لن أتذوق عذوبتها مرة آخرى...


الاثنين
سأحزن على سنواتى التى ضاعت بين يديــك ...


الثلاثاء
سأحزن على كبريائى و أننى توسلت إليك
ولم أتركك تمضى فقط كما أردت..


الاربعاء
سأحزن على فكــرتك عنى..
أولاً .. ســاذجة صدقت حـــبك..
وأخيراً .. إنسانة تتسول شفقتك..


الخميس
سأحــزن لعدم وجود شئ آخر أفعله سوى الحزن..


الجمعه
سأحـــزن على أيام أسبوعى التى قضيتها فى الحزن عليك..


الجدول قابل للإعاده أو التعديل فى الأسابيع القادمه...





الأحد، 2 نوفمبر 2008

طقوس


كوبٌ من الشـــاى الســـاخن..
أقلامى الفوســـفورية...
كـــــــتابى...
و أوراقــــى...


لم تكتمل طقوسى بعد...
ينقصنى القلــيل منك.


اللوحة للفنان William Whitaker

الاثنين، 27 أكتوبر 2008

قطرات عــَــرقك


قطرات عرقك ..
تتسلل بهدوء من أعماقك ..
تعرف أدق أسرارك ..
تحمل جزء منك فى حناياها..
تتسرب من مساماتك..


قطرات عرقك..
دافئـــه مثـــلك تــماماً...
مـــالحه مثــــلك تــماماً...
مـُـجهـَـده مثــلك تــماماً....
صــادقه مثـــلك تــماماً...


قطرات عرقك..
تتصارع بحماس لتأخذ مكانها
فوق جبينك..
لتداعب خشونتك برقه...
لتلامس تفاصيلك التى تقف على حدودها..


قطرات عرقك..
تعلم متى تقترب نهــايتها..
تتشبث بملامحك بقوه..
تتماسك كى تبقى طويلاً فى عالمك السحرى..
تنهار قواها فتتساقط..


قطرات عرقك..
تصاحبك فى حرارة يومك..
فى قلقك..
فى خوفك..
فى مرضك..
فى نشوتك...


قطرات عرقك تتساقط وفى أعماقها ابتسامه
لأنها وهبتك بروده هزت أنفاسك....


الصورة من موقع by 3noony ....deviantart.com

الخميس، 23 أكتوبر 2008

تعافى


هجرنى أمس
اشعر أن العالم توقف ولن يأتى يوماً آخربعد اليوم..
اشعر بقلبى يكاد يتوقف عن الخفقان..
اشعر أننى لن استطيع العيش بدونه....


هجرنى منذ شهر
اشعر كأننى لن ابتسم بعد الآن...
بالكاد أتوقف عن البكاء وبمعجزة ما امنع نفسى
من أن اتوسل إليه أن يعود..


هجرنى منذ ستة أشهر
ارسم على وجهى ابتسامه ولكن ما بداخلى آلام
ما ظننت أننى ساتحملها..
بعض الشعرات البيضاء تلمع فى ظلام شعرى الأسود..


هجرنى منذ عام
اتذكره فى بعض الليالى..
ابكى عليه وابكى على نفسى..
اشعر أننى لن اشعر ما شعرت به معه مع أحد غيره..


هجرنى منذ عامين
أُحب غيـــره الآن
ربما ليس كما أحببته ولكنى أعلم أن من يصون الهوى
يستحقه وليس من يهجر هواه...


هجرنى منذ عشرة أعوام
اجلس مع زوجى فى شرفة شقتنا ،واحمد الله على هذا
الزوج الرائع، واعلم أنه فى ســـره يحمد الله أنه معى الآن...


هجرنى منذ عشرين عاماً
آراه فلا أعرف كأنه مضى خمسون عاماً وليس عشرون..
يتقدم منى ويذكرنى بنفسه ، ارحب به وامضى فى طريقى سريعاً
فلم أكن أريد أن ابقى بعد أن رأيته يخفى بعض دموعه بصعوبة...

الأحد، 19 أكتوبر 2008

انكسار


انكـَــسر
واتبعثر فى كل مكان
انغمس فى ذاتى
فتدمينى
أحاول أن اجمعنى
لأصير أى شئ غيرى...

ربما زجاجة مياه معدنيه
تُحيط بها البرودة فى كل
مكان..

ربما أنبوبة اختبار تشعر
بدفء الدم السائل ...

ربما فازة تضع بها
وردة حمراء وآخرى وردية..

ربما آنيه زجاجيه تطهو فيها
آمالك وأحلامك على نار
هادئه..

ربما كوب شاى أعـــدّته
هى لك بيديها...

ربما أصير نافذتك التى
تنظر من خلفها على
المطر فى الشتاء
وتطل بها على العالم بعد
آذان العصر...

ربما أكون ميداليه كريستال
بها أول حرف من اسمها..

ربما اعنى لك شئ وتخشى
علىّ من الانكسار مرة
آخرى..

ربما تضعنى فى خزانة زكرياتك
مع باقى هداياها..

ربما لا اعنى لك شئ على الاطلاق..

ربما تحملنى بين يديك واسقط منك
لانكسر
واجمعنى مرة آخرى...


الجمعة، 17 أكتوبر 2008

تضييع وقت


معرفش ليه لما بكون مش عارفة أنام
بقعد قدام الساعة،
وابصلها وهى بتتحرك وهى تبصلى وأنا
واقفة فى مكانى.


وافكر فى إذاى الوقت بيضيع مننا ،
وبعدين افكر فى إنى وأنا بفكر فى إذاى بنضيع الوقت
بكون بضيع وقت.

الأحد، 12 أكتوبر 2008

آيه


دائمـا هى هنا.
لتشاركنى جلستى فى بلكونة المنزل.
وتشاركنى سماع أغنية سألتك حبيبى لفيروز.
لتشاركنى الفراش،
وتشاركتى الأحلام.


دائمـا هى أول من تعرف أنى حزينة
بالرغم من صعوبة ذلك.
تعرف متى تحدثنى ومتى تبتعد عنى
لأنى أفضل الصمت أحيانا.

أُحب مزاحها
وأحب طريقة حديثها.

بالأمس كانت بطولة الجمهورية للعبة
الكونغو فو وكانت تأمل أن تحصل على
المركز الأول.
لم يمضٍِ وقت طويل على ممارستها اللعبة ،
ثلاثة أشهر تقريباً ولكن كان لديها
حلم.

عندما حصلت على المركز الثالث علمت أنها
ستكون حزينة جداً ،
ولكنى عندما حدثتها كنت أنا من بكيت
وهى بدت لى شامخة جداً
لا يهزها الهزائم.

قالت لى أن أُخبِر من يلعبون اللعبة أن
يسارعوا بالاعتزال قبل البطولة القادمة
لأنها ستقضى عليهم.

أختى الصغيرة فى السن(ثالثة اعدادى)
الكبيرة جدا فى العقل
أشكرك لأنك دائماً بجوارى.

واعلم أنكِ العام القادم ستزينى
مكتبك بالميدلية الذهبية إن شاء الله .



اللوحه للرسامAdolphe Bouguereau

السبت، 11 أكتوبر 2008

هبة حماده اتخطبت يا رجاله


فى حفل عائلى بهيج
تم خطوبة البت هبة كريمة عمو حماده
على
دكتور محمد (مش فاكرة باقى اسمه)


ولا أراكم الله مكروه فى عزيز لديكم..

الجمعة، 10 أكتوبر 2008

شغف


لو تدور الدنيا بينا ذى ساقيه
أو تقف خالص متتحركش ثانيه

هفضل أعيشها وأحبها
وارقص بخفة فى قلبها
واعملها ميت احتفال
واسكت ولا اسألهاش سؤال
وابوس إيديها ورجلها
يمكن تحن فى يوم أوى
وتفرد دراعها بالأوى
تحضنى
مش برده احتمال؟؟

الأربعاء، 8 أكتوبر 2008

سؤال


- عارف بحبك اوى ليه؟
عشان إنت معايا فى كل حاجة..

-عارفة أنا معاكى فى كل حاجة ليه؟
عشان بحبـــِك أوى.


(سؤال) اسم البوست ده من اقتراح حبيبتى إيفوريا (هبه حماده )..شكرا يا هبه.

الاثنين، 6 أكتوبر 2008

حنين


يوما ما
سيجتاحنى الحنين إليك..
يزلزلنى..
يؤرقنى...

وساشتاق
لسماع صوتك..
لأن احكى لك الحكايات القديمة..
أن أداعب أحلامك بأناملى ..
أن امرح فى وجودك ..
أن أرى صدى ضحكاتى فى عيونك..
أن يذوب وجودى فى وجودك..

ربما سأندم
على هذا الفراق..
ربما سأدعو الله
أن أراك..
ربما سأرغب أن تعود
الليالى القديمة..
وربما سأغـُرق هذا الحنين
فى بحيرات الجحود..
وأتناسى هذا الاشتياق
وأمضى حياتى
كما كنت أمضيها..



البوست ده إهداء لحبيبة قلبى نوستالجيا وطبعا انا مش راضية اقول اسمها الحقيقى عشان محدش يعرف إنها أسماء عيد..
ونوستالجيا للجهلة - اللى ميعرفوش اللى أنا نفسى كنت منهم من شوية صغيرة- يعنى حنين..

الأحد، 5 أكتوبر 2008

مصر هى أمى



إمبارح كان عندنا بنت خالتى
هى عايشة فى اليابان من ساعة ما اتولدت.

المهم لقيت معاها كتاب باليابانى بيتكلم
عن الأماكن السياحية فى مصر.
قلت اتفرج على الصور.


فى أول صفحة لقيت راجل راكب حمار
وبيضحك ،عادى جدا،
بس اللى مش عادى بقى إنك تلاقى كل الصور
اللى فى الكتاب فيها حمير.


اتضايقت جدا وقلتلها :
هى مصر مفيهاش غير الحمير ولا ايه؟؟
قالتلى :
أصل اليابان مفيهاش حمير.

ماشى مفيهاش حمير على عينا وراسنا بس
مش للدرجة دى يعنى..


المهم بكمل بقية الصور لقيت صور
بنات وشعرها منكوش من أطفال الشوارع
وبتضحك برضه.
قلتلها :
إيه ده بقى ؟ إذا كان أنا مبشوفش البنات دى إلا
قليل جدا ،يبقى ده اللى بيعبر عننا بره؟؟
ضحكت..
قلتلها:
الكتاب ده بيضرب السياحة فى مصر،
لازم نحرق الكتاب ده..

ضحكت
رحت ضحكت معاها..

انتماء


أنا لا انتمى إلى أهلى
ولا إلى الزمالك


أنا فقط انتمى إليك...




مش تزعل تانى عشان بقول
على نفسى اهلاوية...

الجمعة، 3 أكتوبر 2008

عيد


أول ايام العيد
افتح عينى على صوت التكبير الذى يسبق صلاة العيد
من المسجد المجاور لمنزلنا..
"الله أكبر كبيرا ، والحمد لله كثيرا ،
وسبحان الله بكرة وأصيلا . "

اقفز من على السرير وابتسم
"العيد جه ."
ثم ابدأ فى إيقاظ أخوتى
لنذهب لصلاة العيد وهى من أفضل
أوقاتى فى العيد.


نعود من صلاة العيد لنذهب إلى
بيت عائلة أمى ،
تستقبلنا جدتى بهذه الابتسامه التى
أحبها كثيرا ،
احتضنها واقبل يديها
"كل سنة وانتى طيبة يا تيته ."
تحتضنى ثم تعطينى العيدية ،
اقبلها وادعى أنى جالسة على رجليها ،
تنهرنى أمى
"قومى يا بت من على رجل ستك انتى هتكسريهم."
ترد جدتى :
"انتى مالك انتى؟ حبيبتى وقاعده على رجلى ."
ثم تبدأ فى مداعبتى كما لو كنت طفله صغيرة.


دائما كانت هناك العائلة خالاتى وأخوالى،
لم يتغيب منهم أحد فى عيد من الاعياد..


هذا ما كان يحدث فى الأعياد الماضيه..


هذا العيد...
افتح عينى على التكبير فادفن رأسى فى الوساده
وأحاول مواصلة النوم.

تسألنى أمى
"مش هتصلى العيد السنة دى؟؟"
"لا يا ماما."

استيقظ من النوم لاجلس قليلا على الكومبيوتر..
لا بيت عائلة ، فلم يحضر من خالاتى
الا اثنتان وتغيب أخوالى واثنتان من خالاتى بأولادهما
لأول مرة من ولدت..
لم نفتح بيت العائلة هذا العام،
لم يكن هناك داع ،
فلقد توفت جدتى منذ شهرين..


تحدثنى صديقتى :
"هو العيد مجاش عندكوا السنة دى ولا إيه ؟؟"
"لا لسه مجاش ."

اعتقد أنها هى من كانت تجعل العيد عيدا..


وحشتينى يا تيته..


اللوحة للرسام الايرانى Morteza Katouzian

الخميس، 2 أكتوبر 2008

خطوات الكتابة الناجحة


1) حس الموضوع بقلبك
مش مهم تكون بتكتب عن نفسك المهم تحط نفسك فى التجربة
ممكن تسمع أغنية حزينة ومفيش مانع تبكى شوية


2) هات كل فكرة فى مخك
واكتب وشخبط
مش مشكلة لو صحيت الفجرتكتب فكرة خطرت على بالك
عشان لو استنيت للصبح مش هتلاقيها.


3) هات القلم الروترينج الأصفر اللى بتحبه اوى
وحط فيه سنون 0.7 .


4)دفى الورقة بلمسة إيديك.



5)حط فى الموضوع جزء من روحك ، من إحساسك ،
،من دموعك ، من افكارك
ومتخفش كده اللى كتبته هيكون انت حتى لو مش كانت
تجربتك..


الثلاثاء، 30 سبتمبر 2008

عيد سعيد


كل سنة وكل الناس طيبين..



الصورة من موقع www.muslmh.com

أهلى وزمالك

ماتش الأهلى والزمالك النهارده.
طول النهار وأنا متوترة واقول يارب
بس مكنتش بدعى لاهلى ولا لزمالك.
يجى الماتش بليل وأقعد اتفرج عليه..
الاهلى يجيب جون اقوم واتنطط واقول هيه.
الزمالك يجيب جون افرح جدا واقوم واقول هيه.

أختى الصغيرة تشوفنى وتقولى :
هو أنتى بتشجعى مين بالظبط؟؟

أرد عليها :
أصل أنا أهلاوية بس هو زملكاوى.

الاثنين، 29 سبتمبر 2008

بعيد أوى

يبص لى اوى ويقولى:
اتغيرتى
ضحكتك بقت متكلفة
طريقة كلامك
طريقة تفكيرك
ستايلك
حاسس إنى مبقتش عارفك .

أرد فى سرى :
انا متغيرتش بس أنت اللى بقيت بعيد أوى .

الجمعة، 26 سبتمبر 2008

انا مين؟؟


دايما تسألنى أنا مين؟
انا وعد وعده حبيب لحبيبته
وحافظ عليه.
أنا ضفيرة بنت صغيرة
فى عينيها شقاوة إنما إيه.
أنا دعوة بنت ملقتش لسه ابن الحلال
وبتدعى تلاقيه.
أنا حقنة دوا دخلت وريد عيان وحيد
ومناها ربنا يشفيه.
أنا كفن أبيض ملفوف فيه عريس جديد
وعيون عروسته بتسألنا إذاى هتنسى لياليه؟
أنا فرحة قلوب المصريين
بعد ماتش فازوا فيه.
أنا رسالة حبيب لحبيبته فى عيد ميلادها
اللى افتكرت إنه ناسيه.
أنا جرح عمره حبة سنين
ومش لاقى حد يداويه.
أنا أم شهيد فى عينيها دمع
بس قلبها فرحان بيه.
أنا دقات قلب واحد واقف يستنى النتيجة
والقلق مالى عينيه.
أنا مدفع الإفطار فى نهار طويل
الكل قاعد مستنيه.
أنا قلب مرسوم فى كراسه قديمة
وصاحبه ناسيه.
أنا وش فنجان قهوة بتقدمه بنت لحماها
وبتسأل طعمه هيرضيه؟
أنا جواب مكتوب فيه شعر
والبرفان عطره ماليه.
أنا دفتر مؤذون بيكتب كتاب
واحد عشق سنين طوال.
ورقة إجابة امتحان صاحبها
مش عارف سؤال.
أنا فستان فرح أبيض جميل.
دبلة خطوبه وزنها اتنين جرام.
أنا منديل طار فى الهوا
ولمس السحاب.
عيون مشتاقة تشوف حبيبها بعد الغياب.
ياريتك تكون عرفت أنا مين .

الخميس، 25 سبتمبر 2008

رد فعل

:ماما انا بفكر اعمل مدونة.
: اعملى اللى انتى عايزاه بس مالكيش دعوة بالسياسة.

* * * *

: يا آيه (اختى الصغيرة) انا بفكر اعمل مدونه.
:يعنى ايه مدونه؟؟؟؟

* * * *

:يا هبة انا بفكر اعمل مدونة.
:ودى هتكتبى فيها ايه؟؟؟؟
:هكتب عننا ، عن الكلية ، عن اى حاجة .
:فكرة حلوة

* * * *

:اسماء (من الشلة) انا بفكر اعمل مدونه.
:كويس عشان تنشرى الحاجات اللى انتى بتكتبيها، والله انتى بتكتبى كويس.

* * * *

:انا عايزة اعمل مدونه.
:اوكى شوفى انا ممكن اساعدك بإيه وانا اعملهولك.

* * * *

:انا عايزة اعمل مدونه.
:فكرة كويسة.
:مش عارفة هتبقى حلوة ولا لا.
:المهم إنك تستمتعى.

* * * *

: يا إيمان انا بفكر اعمل مدونه.
:وماله يا اختى وماله؟ هو الإنسان ايه غير شوية مدونات فوق بعض.

* * * *

الأربعاء، 24 سبتمبر 2008

حاجة مهمة

حبيت اقولك كل سنة وانت طيب قبل ما شهر سبتمبر يخلص

احباط


دخلت المطبخ اعمل كوباية شاى..
جيبت براد الشاى والمج بتاعى اللى بحبه اوى وشوية نعناع بقى يا سلام.
حطيت فى المج 3 معالق سكر وقلبت وبعدين طلعت عشان اشربه وانا قاعدة قدام الكومبيوتر(مزاج يعنى)
وقبل ما اشربه افتكرت اننا فى رمضان.