صباحك سعاده ..
وبلوفر رصاصى ..
وقهوه زياده ..
وناس بردانين
وواحد بيجرى
بلبس الرياضه ..
وواحده حاضنه كتابها
بإيديها
خطوتها سريعه
وفى عينها إراده ..
وطالب مش باين من كتر
الهدوم
شايف من الدراسه
مفيش استفاده ..
وبنت بتضحك ويطلع بخار
تشوفه فارس وراكب حصانه
وترسم ملامحه بكل استفاضه ..
و أختى نايمه متغطيه
والبطانيه نصها على الأرض ..
وحبيبى إيديه فى جيوبه
وبيتكتك من كتر البرد ..
وأنا بتفرج على الناس وبغنى
" عم خليل بيسقى الورد . "
وبلوفر رصاصى ..
وقهوه زياده ..
وناس بردانين
وواحد بيجرى
بلبس الرياضه ..
وواحده حاضنه كتابها
بإيديها
خطوتها سريعه
وفى عينها إراده ..
وطالب مش باين من كتر
الهدوم
شايف من الدراسه
مفيش استفاده ..
وبنت بتضحك ويطلع بخار
تشوفه فارس وراكب حصانه
وترسم ملامحه بكل استفاضه ..
و أختى نايمه متغطيه
والبطانيه نصها على الأرض ..
وحبيبى إيديه فى جيوبه
وبيتكتك من كتر البرد ..
وأنا بتفرج على الناس وبغنى
" عم خليل بيسقى الورد . "
هناك 26 تعليقًا:
ايه الحاجات الجميله دى
احساس جميل بالشتاء وجماله وكانك بتوصفى
ايه اللى بيحصل بالظبط
وعم خليل بيسقى الورد احنا كنا بنسمع الاغنيه دى واحنا صغيرين
رجعتينا كتير قوى
ana makontsh ba7eb el sheta bsra7a bas kda momken afakar a7ebo
والبطانيه نصها على الأرض ..
tab3an enty 3arfa ana ha3la2 a2ool aih???
وبنت بتضحك ويطلع بخار
تشوفه فارس وراكب حصانه
وترسم ملامحه بكل استفاضه ..
جميله جدا
ومناسبه كمان للتلج اللي احنا فيه ده
سلام
رومانسى
انا فعلا بوصف الشتا ذى ما انا شايفاه ..
عم خليل بيسقى الورد
اكيد كلنا سمعنا الاغنيه دى بس مش من بعيد اوى يعنى ...احنا لسه صغيرين
؟؟؟؟؟؟؟؟؟؟؟
لازم تحب الشتا عشان هو يتحب ..
واحد من الناس
مفرحنى جدا متبعتك للمدونه ..
حلم كل بنت الفارس اللى راكب حصانه ده ..لازم تشوفه فى كل حاجه..
انا فعلا نشرتها دلوقتى عشان موجه البرد اللى احنا فيها دى ..
اول ماقريت صباحك سعاده افتكرتك صباحك سكر بتاعت كاظم.صباحك سكر ياهبه ان شاء الله وانتى مش بردانه ف وسط الناس دى كلها وقاعده تغنى عسل وربنا.احلى حاجه الطالب اللى شايف مفيش استفاده من الدراسه ياريت بقى تكتبى عن حاجه ف المطر لانى بحب المطر اوى بيغير حالتى تماما.
انا كمان مكنتش بحب الشتا وانتى الى حببتينى فيه وخاصه
الوقوف تحت المطر
الناس كلها بتجررى تستخبى من المطر وانتى تقفى تحت الميه والسعاده ماليه عنيكى
واحنا نقول عادى جدا دى هبه !!!!!!
د.هاااابي
ايه ده بجد والله ومن غير اي مجاملة
روووووووووووعة
انا كنت بغنيها وانا بقراها اسلوبك فيها تحفة
صباحك سعادة وايامك كلها سعادة وعايز اقولك انك في النوعية دي هتكوني في الريادة شاعرة علي غير العادة شاعرة بطعم السكر الزيادة
واوعدك اني دايما هاقرا كل اشعارك
بموت في كل اللي بتكتبيه بموت فيه لدرجة الشهادة
عايز اقولك يا د. هابي
لما تبقي مشهورة ومكسرة الدنيا لان ده هيكون امر واقع
وتصدقي انا عمري ما قلت لحد محتاج توقيع
بس توقعيك انتي هيكون زي السكر اللي بيغير طعم القهوة السادة
طبعا اقصد قهوتي انا مش اللي بتكبيه انتي
مرة تانية
روووووووووووووعة حقيقي وعجبتني جداااااا والله
سمسمه
صباحك سكر يا عسل ..
انا مش هنسى لما الدنيا مطرت وكل الناس استخبوا الا انتى فضلتى واقفه معايا .. ربنا يخليكى ليا يا سمسمه
هبه
كويس انك بدأتى تحبى الشتا اخيرا والله انا عملت مجهود جبار مع كل اللى اعرفهم عشان يحبوا الشتا ..
استاذ حسام
تعليقك وصلنى السما من السعاده ودى شهاده اعتز بيها جدا لانك شاعر وفنان كبير اوى ..
لو بقيت مشهوره ان شاء الله وكسره الدنيا لازم هفتكر انك اول واحد تنبأتلى بكده وطبعا ساعتها ممكن ميت توقيع مش توقيع واحد ..
وبجد بجد دى شهاده اعتز بيها جدا ..
صباحك سعادة
اول مرة ازورك و انت بلديات
حقيقي و صفت الشتا بكل تفاصيله القريبة و البعيدة
بدات بقوة ورتم جميل متوازن ثم طالت بك الافكار فاختل الرتم و النغم الداخلي
و هذا لا يمنع من اكتمال الفكرة و جمالها
ارجوك لا تزعلي من كلامي فنحن نقوم اخطاء بعضنا البعض لنرتقي للافضل
تحياتي
حلوه اوي يا هبه حاسه اني مبسوطه وانا بقراها
د.هابى بصراحة خليتينى اشتاق للشتاء ف مصر و الله ...
ادعيلى بقى ارجع بالسلامة علشان الحق اعيش المشهد شوية...
قصيدة جميلة و ان كان فيه مشهد نفسى تقوليه فيها..
تحبى اقولك عليه ولا هتعرفيه لوحدك
احوال الهوى
منور المدونه يا بلديات..
اكيد انا معنديش اى اعتراض على اللى انت بتقوله وكمان النقد هو اللى بيخلينا نعرف اخطائنا..
نوستالجيا
مبسوطه انك كنتى مبسوطه وانتى بتقريها ..
ياسر
إن شاء الله ترجع بالسلامه فى اقرب فرصه كمان ..
ممكن يكون قصدك على المطر بقى .. لو صح او غلط ياريت تقولى ..
الله يسلمك يا هوبه
المشهد اللى قصدى عليه
هو وهى لما يتمشوا سوا ع الكورنيش ف عز البرد و يقربوا اكتر علشان احساس بالدفء اكتر
مش عارف بقى شفتيه ف الزقازيق ولا لآ
عموما بيعجبنى جدا
رائعه
وكفي
ياسر
هنا الزقاويق حيث لا كورنيش ولا اى حاجه.. بس عموما لو كنت فى القاهره كان اكيد هيعجبنى المشهد ده..
محمد سامى
منور
وكفى
رجعت القهقرى لأقرأ القصائد الأقدم
أعجبتنى الصور فى هذه القصيدة الزجلية الوصفية ..المتأثرة بالبرد والشتاء وأجملها" تحويل الفتاة للبخار الى صورة فى خيالها "
تذكرنى هذه الأبيات بالأغنيات التى صاحبت فيلم آيس كريم فى ديسمبر \ فى جليم -ذرياب \عمرو دياب فى جوها العام
تحياتى
ماكس بتاع زمان
عموما انا بحب الاغنيه دى..
التعبير اللي عندي
ان الكلام دا
عسييييييل
تسلمي يا دوكه
واحشني كلامك ان شاء الله بعد امتحان الجراحه الخاصه هكمل قرايه
دعواتك
إرسال تعليق