الحاجات

الحاجات اللى أنت عارفها عنى
خلاص دلوقتى كلها اتغيرت..
مبقتش أحب أرسم وشوش فى كتابى..
ولا أمشى على خط رسمته بالطباشير..
مبقتش أشب عشان أطول الحلم..
ولا أوطى عشان أعدى من تحت
الهم من غير ما يلمس ديل حصانى..
مبقتش ..
و مبقتش ...
و مبقتش ...
يمكن أنا كبرت أوى
بقيت أكبر من علامة الاستفهام
اللى ساكنه ورا كل سؤال مالهوش
إجابه ..
أو يمكن أكون عقلت أوى
بقيت أعقل من نور القمر
اللى بيحاول يثبت لنفسه
إنه قادر ينافس لمبة بيتنا النيون..
أو يمكن أنا ذى م أنا
والحاجات كلها هى اللى شابت..

ملاذ

تستطيع أن تبتعد بعيداً بعيداً..
أن تسكن أعماق المحيطات..
أن تصبح نجماً فى السماء...
أن تكون كوكباً فى غير هذه المجره..
ولكنك لن تستطيع أن تنزع حبى من أعماقك..
فأنا أسكنك..
أتسلل داخل مساماتك..
أبعث فيك الدفء فى الليالى البارده ..
فأنا تميمتك..
أنا حظك وسوء حظك ..
أنا من يهبك الحزن والسعاده ..
وجنونك بعض من جنونى..
أنا تلك الثوره الكامنه فى أعماقك ..
أنا العبث الطفولى فى عينيك..
أنا طموحك و انكسارك ..
هزيمتك وانتصارك ..
أنا نار لو اقتربت منها انتهيت..
وجنة لو ابتعدت عنها شقيت..
أنا الطلاسم التى لم تفك أسرارها..
أنا خطيئتك الكبرى
وحسنتك الوحيده..
أنا أبعد عنك من السماء
وأقرب إليك من أنفاسك..
أنا حقيقتك الكامله
ووهمك الذى يسكن ليلك ونهارك..
أنا نبضات قلبك..
وسعير رغباتك
وسكينة إيمانك..
فابتعد مثلما تشاء
فأنا ملاذك الأخير..

من الطبيعى

من الطبيعى جداً
إنك تقف فى الشارع
بليل
فى عز البرد
تستنى مرور الفرحه
للمره التانيه فى حياتك
بعد ما غابت عنك كتير
ومن الطبيعى جداً
إنها متجيش فى معادها
ما هى مش مضطره
تلتزم بمواعيد..
والمطلوب منك دلوقتى
تدور دوره كامله
حوالين الوجع
وترجع تستنى فى يوم تانى ..

رحيل الحب

اليوم الأول بعد رحيل الحب ..
الجو رياح وشجون ..
غراب ينعق على أطلال الحلم ..
عجوز تقرأ الفنجان ..
وصبى يتسلى فى ثقوب الروح ..
اليوم الأول بعد رحيل الحب ..
ألحان سوداء تطربنى
و رداء من كتان ســألقيه فى أعماق النهر ..
أصوات البشر تؤرقنى
و أُذيق دموعى أنواع القهر ..
اليوم الأول بعد رحيل الحب ..
كوب من لبن لا يكفى
لبدء النوم ..
متر من خيط لا يكفى
لرتق الجرح ..
حمام دافئ لا يكفى
لتهدئة القلب ..
اليوم الأول بعد رحيل الحب..
الثوب الأسود غير لائق لمناسبة
مثل وفاة الحب ..
الثوب الأسود داب من الحزن ..
الثوب الأسود لن يكفى لباقى العمر ..
اليوم الأول بعد رحيل الحب ..
أبدأ فى تعلم شئ آخر ..
شئ نسيت أمى أن تضعه فى معجم أخلاقى ..
شئ لم يعاقبنى أبى بشده كى أتقنه..
اتعلم ألا احتاج إليك ..
اليوم الأول بعد رحيل الحب ..
لن أحرق الرسائل ..
لن أشجب
و أندد
و أثور
سأتقبل رحيلك بهدوء
فحرق كلماتك لا يحدث فرقاً
فى الأمور ..