الحاجات اللى أنت عارفها عنى
خلاص دلوقتى كلها اتغيرت..
مبقتش أحب أرسم وشوش فى كتابى..
ولا أمشى على خط رسمته بالطباشير..
مبقتش أشب عشان أطول الحلم..
ولا أوطى عشان أعدى من تحت
الهم من غير ما يلمس ديل حصانى..
مبقتش ..
و مبقتش ...
و مبقتش ...
يمكن أنا كبرت أوى
بقيت أكبر من علامة الاستفهام
اللى ساكنه ورا كل سؤال مالهوش
إجابه ..
أو يمكن أكون عقلت أوى
بقيت أعقل من نور القمر
اللى بيحاول يثبت لنفسه
إنه قادر ينافس لمبة بيتنا النيون..
أو يمكن أنا ذى م أنا
والحاجات كلها هى اللى شابت..
خلاص دلوقتى كلها اتغيرت..
مبقتش أحب أرسم وشوش فى كتابى..
ولا أمشى على خط رسمته بالطباشير..
مبقتش أشب عشان أطول الحلم..
ولا أوطى عشان أعدى من تحت
الهم من غير ما يلمس ديل حصانى..
مبقتش ..
و مبقتش ...
و مبقتش ...
يمكن أنا كبرت أوى
بقيت أكبر من علامة الاستفهام
اللى ساكنه ورا كل سؤال مالهوش
إجابه ..
أو يمكن أكون عقلت أوى
بقيت أعقل من نور القمر
اللى بيحاول يثبت لنفسه
إنه قادر ينافس لمبة بيتنا النيون..
أو يمكن أنا ذى م أنا
والحاجات كلها هى اللى شابت..
هناك 26 تعليقًا:
اسلوب جديد لفكر عميق اتفاجأت بيه في الأول وسحرني في النهاية علشان ارجع اقراه تاني وعلشان اتأكد دايما ان موهبتك مش بتقف عند حد معين
حقيقي رائع الكلام ده أقرب لقلبي جدا من الفصيح مع اني مش بعرف أكتب غير فصيح
ربما يكرمك ويوفقك
مودتي
المحاوله مره مش كفايه
حاولى تانى
بس ياريت تفكرى الاول قبل ما تعملى اى خطوه من غير تفكير
هابى
جميل عجبنى قوى اخر سطر
أو يمكن أنا ذى م أنا
والحاجات كلها هى اللى شابت
يارب تكونى بخير
اسلوبك فيه عمق كبير
ويدل على شخصيه متامله
تحياتى
استاذ حسام
طول ما بنتنفس فى جديد..
كاتب مصرى
دايما العامى اصعب ..
تحياتى
رومانسى
هحاول ان شاء الله
رحيل
منورانى دايما..
عاشقه الرومانسيه
دى اول مره ليكى هنا.. ويلكم بيكى
حلو اوى ياهبه بجد انا بحب كتاباتك اوى ونفسى تكتبى كل يوم بوست جديد.بس الواقع اننا بنتغير وكمان الحاجات بتتغير واحساسنا نفسه بالحاجات بيتغير بس انا دايما مقتنعه ان زمان كان احلى.والمفروض اننا نحاول نخلى دلوقتى حلو برضو وبعد كل ده بقول مش عارفه....!!!!!؟؟؟؟؟
سمسمه
يا ريت اقدر اكتب كل يوم بوست..
انا بقى بجد مقتنعه ان النهارده هو الاحلى..وبكره احلى واحلى..
be kol asf post wak3y gedan bas maftekrsh en el 7agat heya elly betsheeb e7na elly m3 el wa2t benkbar shwaya beshwaya we byob2a fi 7agat kteer mayenfa3sh ne3mlha we lelasf mo3zamha 7agat gameela.
congratulation happy post 7elw awy
جمييييييل جدا يا هبه واحلي حاجه ان كل كلمه في مكانها مظبوط وخصوصا اخر جمله بجد حلوه اوي
لازم كل حاجه تتغير سواء احنا نفسنا او الحاجات سواء التغيير ده للاحسن او للاوحش مش هتفرق المهم ان التغيير نفسه احسن مانثبت علي حاجه واحده والحياه تبقي ممله بس برده مع سمسمه ان زمان كان احساسنا احلي بكل حاجه وربنا يستر في اي نغيير جاي
ادعيلي يا هابي امتحان الكارديو بكره يارب يحصل تغيير ويلغوووووه
?????????
بكل اسف الحياه واقعيه زياده عن اللزوم ... احنا بنكبر وده برضه للاسف الشديد..
انا مع ؟؟؟؟؟؟ ان البوست واقعى جدا جدا
متهيألى ان الحاجات مبتتغيرش هيه ثابته بس احنا الى بنكبر عشان كده نظرتنا للامور بتتغير
واكبر دليل على كده اننا ممكن يحصل موقف ونشوف حد اصغر مننا بيواجهه بطريقه متعجبناش ونعترض
سبحان الله مع اننا زمان اتصرفنا نفس التصرف وبنفس الطريقه ليه دلوقتى مش عاجبنا!!!
جامد البوست يا هبه ومتهيألى تفكرى بقى تاخدى الموضوع بجد كتاباتك تستاهل
نوستالجيا
كل حاجه ممكن تتغير لكن معاد امتحان الكارديو يتغير اهو ده اللى مش ممكن ابدا ..
هو صح لازم نتغير احنا بجد بنكبر وبنعقل.. دى حقيقه..
هبه
معاكى حق..
كلام جميل جدا يا هابي
دكتوره هابي... معلش مخدتش بالي
بس بجد كلام عميق جدا حتى ولو الواحد محسش كده من اول مره..بس هو بجد في فلسفه جميله جدا
و بالمناسبه التعبير العامي بيوصل اسرع بكتير من الفصحى... انا تجاربي الشعريه فشلت فشل ذريع مع الفصحى وحققت نجاح لا بأس به مع العاميه...
و متشكر اوي على زيارتك لمدونتي المتواضعه و كمان وجودها عندك في الريدر..دي حاجه تشرفني بجد
الف تحيه
مزيد من الانبهار بما تكتبين مع كل كلمه جديده
مزيد من الإعجاب بقلمك
تحياتي واحترامي
دكتور رامى
انا ضيفت مدونتك عشان هى تستحق الاضافه.. زيارتك المدونه اسعدتنى جدا..
التعبير العامى افضل بس اصعب فى كتابته.. ومحتاج فكره جامده..
منور بجد
واحد من الناس
منور يا دكتور شادى
السلام عليكم
انتى بتكتبى وزى ما يكون بتكتبى بقلمى انا
وبتبكتى احساسى انا
بجد اثرتى فيا اوى
احييكى بجد
ريمان
انا سعيده جدا انك حسيتى باللى انا كاتباه...
اكيد كلنا بنحس نفس الاحاسيس فى فترات متباينه...كلنا هذا الرجل..
هذه قصيدة ذات معانى وصور ومفردات رائعة ...وأجمل صورها على الإطلاق
مبقتش أشب عشان اطول الحلم
ولا أطاطى عشان أعدى تحت الهم
هذه صورة شعرية غاية فى الجمال
تحية لك
ماكس بتاع ومان
منور المدونه
إرسال تعليق