و أنا بحكى عن الجدع الأسمر
اللى فى ضله شبك القمر ضيه ..
اللى فى سيرته
بيحكى الحنين حواديت..
اللى ملامحه طيبه ذيه
اللى مخافش فى يوم من جن أو عفاريت ..
وأنا بحكى عن الجدع الأسمر
اللى بيحلم آه
لكنه من خوفه
شال حلمه فى ضلوعه
وطبق عليه كفوفه
خايف ليوم يهرب
من قبل ما يشوفه ..
و أنا بحكى عن الجدع الأسمر
فى شدتك تلقاه
فى وحدتك تلقاه
فى المحنه والضيقه
مع كل خلق الله
طب بعد ده كله
تقدر فى يوم تنساه ؟؟
و أنا بحكى عن الجدع الأسمر
الشمس لو نايمه
تصحى بدفا سكوته ..
والنجمه لو هايمه
يهديها صدى صوته ..
عايش مع الناس آه
لكن فى ملكوته..
و أنا بحكى عن الجدع الأسمر
اللى فى ضحكه بتسكن النداهه
اللى ف عيونه عرفت معنى متاهه
من بين شفايفه لو طلعت الآهه
تكون سنينى فداه
وحياتى وياها ..
وأنا بحكى عن الجدع الأسمر ..
اللى فى ضله شبك القمر ضيه ..
اللى فى سيرته
بيحكى الحنين حواديت..
اللى ملامحه طيبه ذيه
اللى مخافش فى يوم من جن أو عفاريت ..
وأنا بحكى عن الجدع الأسمر
اللى بيحلم آه
لكنه من خوفه
شال حلمه فى ضلوعه
وطبق عليه كفوفه
خايف ليوم يهرب
من قبل ما يشوفه ..
و أنا بحكى عن الجدع الأسمر
فى شدتك تلقاه
فى وحدتك تلقاه
فى المحنه والضيقه
مع كل خلق الله
طب بعد ده كله
تقدر فى يوم تنساه ؟؟
و أنا بحكى عن الجدع الأسمر
الشمس لو نايمه
تصحى بدفا سكوته ..
والنجمه لو هايمه
يهديها صدى صوته ..
عايش مع الناس آه
لكن فى ملكوته..
و أنا بحكى عن الجدع الأسمر
اللى فى ضحكه بتسكن النداهه
اللى ف عيونه عرفت معنى متاهه
من بين شفايفه لو طلعت الآهه
تكون سنينى فداه
وحياتى وياها ..
وأنا بحكى عن الجدع الأسمر ..
هناك 17 تعليقًا:
علي فكرة الكلام جميل جدا نفسي مرة ادخل واعرف اعلق علي كلامك بس والله الكلام مكتوب ومتعلق عليه كمان يعني المفروض تكتبي
NO comment
الله عليكي
بجد تحفه
حاسس إن فيها ريحة بلدنا أوي
الطيبه
الحلم اللي خايف أو مش عارف يطلع للنور
الجدعنه
الدفا واللمه والنداهه
أبدعتي بجد
تسلم إيدك
مش عارفه اكتب تعليق.
بس بصراحه الوصف حلو اوى
يابخته الجدع الاسمر اللى بيتقال فيه كل ده
هههههههههههه يارب يكون اللى فى بالى يا عروسه
وحشانى و الله و يارب اسمع عنك سمع خير دايما
افضيلنا شويه بقى
جروب جريدة الصباح العربي بيت المدّونين العربي
http://www.facebook.com/home.php#/group.php?gid=78080770039
أنا بحكى عن الجدع الأسمر
اللى فى ضله شبك القمر ضيه ..
اللى فى سيرته
بيحكى الحنين حواديت
حلوة قوي قوي
فيها بس كسور في الوزن حاولي تاخدي بالك منها
بس بجد برافو
اه من الجدع الأسمر ده
زيزو
no comment
دكتور شادى
ربنا يخليك على النعليق الجميل اللى فرحنى جدا ده ..
سمسمه
ماشى يا اسماء
الجواز وسنينه
طبعا اللى فى بالك .. هيكون مين غيره؟؟
مصطفى السيد
شكرا اوى بجد على النشجيع ده ومبسوطه انها عجبتك..
اللي في ضله شبك ضيه
ياااااااااااااااااه
هاااااابي
ابصم بالعشرة والعشرين لو ينفع
ان موهبتك دي تتغني ومين يسمع
كل مرة بقراها واخلصها اسرع
علشان اقراها تاني
كلامك ايه
شاي بالنعناع متنعنع
ولا كيف الكيف
عند اهل الكيف بيتصنع
ابصم بالعشرة
وانا لا بيني وبينك
سابق معرفة ولا عشرة
ولا مجاملات
ان كلامك ارض خضرا
ah that one........this legendery one!
just lovely post
حسام
مش معقوله التعليق الجامد جدا ده...
فرحتنى جدا والله
صابرينا
منوره المدونه
نايسسسسسسس كلمات نايسسسسسسسس بوست وربنا يالهوي وحياة ربنا جسمي قشعر من كلامك
للعلم بالشىء انا واحدة من احد انصار الرجل الاسمر ولو عاوزين عندنا امثلة ولا ايه يابت؟
إرسال تعليق