احتمال بكره يكون أحلى كتير
أو مجرد يوم وحش ذى اللى قبله..
احتمال يطلعلى جناحين ذى الملايكه
أو إنى اتحول لنار ذى الشيطان
ممكن كمان أفضل بشر
ولا من نور اتخلق ولا من نيران..
احتمال أفضل هنا واقفه فى مكانى
واحتمال اتحدى حلمى وأسبقه
و أسبق زمانى ..
احتمال أفضل فى حضنك ميت سنه
ويعدى عمرى واستخبى فيك
و اعمل ولا كإنى هنا ..
واحتمال نبعد بعيد
ويبقى فراقنا ده عيد
و ألعنك و ألعن هواك
وانتظر حبى الجديد..
احتمال أكبر بجد و ملامحى متلمسهاش سنين
و احتمال أعجز أوى و أنا لسه فى سن
التلاتين..
احتمال الدنيا تحضنى و تطبطب عليا
واحتمال تنسانى خالص
متفكرش لثانيه فيا ..
احتمال
و احتمال
و احتمال..
مين يفكر؟
مين يفسر؟
مين يجاوب عالسؤال؟؟
أو مجرد يوم وحش ذى اللى قبله..
احتمال يطلعلى جناحين ذى الملايكه
أو إنى اتحول لنار ذى الشيطان
ممكن كمان أفضل بشر
ولا من نور اتخلق ولا من نيران..
احتمال أفضل هنا واقفه فى مكانى
واحتمال اتحدى حلمى وأسبقه
و أسبق زمانى ..
احتمال أفضل فى حضنك ميت سنه
ويعدى عمرى واستخبى فيك
و اعمل ولا كإنى هنا ..
واحتمال نبعد بعيد
ويبقى فراقنا ده عيد
و ألعنك و ألعن هواك
وانتظر حبى الجديد..
احتمال أكبر بجد و ملامحى متلمسهاش سنين
و احتمال أعجز أوى و أنا لسه فى سن
التلاتين..
احتمال الدنيا تحضنى و تطبطب عليا
واحتمال تنسانى خالص
متفكرش لثانيه فيا ..
احتمال
و احتمال
و احتمال..
مين يفكر؟
مين يفسر؟
مين يجاوب عالسؤال؟؟
هناك 26 تعليقًا:
سنخلينا نفكر ونتعب ونضرب اخماس فى اسداس
ونقول امتى يجى يوم حلو علينا
ونستنى اليوم دا يجى
واحتمال اتحدى حلمى وأسبقه
و أسبق زمانى ..
حلو أوي الإحتمال ده
والخاطره طبعا كلها رائعه
تسلم إيدك
احتمال
و احتمال
و احتمال..
مين يفكر؟
مين يفسر؟
مين يجاوب عالسؤال؟؟
فعلا ياقمر احتمال وياترى بكره فيه ايه ومخبى لينا ايه؟
خاطرة جميلة اوى ومعبرة وطالعة بتلقائية جميلة سلمت الايادى
رومانسى
متستناش .. الايام الحلوه هتيجى من غير ما تستناها...
بس هى حكاية بكره فيه ايه اعتقد انها شاغلانا كلنا..
واحد من الناس
منور..
1/2 doc
بكره ده اللغز اللى مالهوش حلول.. بس طبعا بكره فى علم الغيب ده لحكمه عند ربنا.. بس برضه مش بنقدر نمنع نفسنا من التفكير فى حياتنا بكره هيبقى شكلها ايه..
فعلا اكيد كل الناس بتفكر بكرة هيبقى فى ايه وهيحصل ايه
وانا واحده منهم بس بفكر بهبل شويتين
زى حسن شحاته لما بيقول انا بفكر فى الماتش الجاى وبعتبرة انه هو الفينال ومفيش بعد الماتش الجاى ماتش تانى
ممكن نقول انه الى يريح اننا نفكر اوى فى بكرة القريب الى هو بكرة مش بكرة البعيد
وبكده نقدر نحقق حاجه حاجه
والاكيد اننا مش هنبطل نفكر
بس كده كفايه
بجد حلوه اوى ياهبه؟فعلا بكره شاغل الناس كلها بس مش المفروض اننا نفكر ف بكره عشان مانتعبش والصوره جميله بحب انا صور العيون.احتمال أكبر بجد و ملامحى متلمسهاش سنين
و احتمال أعجز أوى و أنا لسه فى سن
التلاتين..(عجبانى اوى الحته دى)
لا انتي موهبتك بقت فوق الاحتمال
ابداعك فوق الاحتمال
مفاجآتك فوق الاحتمال
انتي دكتورة موهبة فوق الوصف وفي مدونتك بلاقيني بهرب من عصر الجهال
هبه
بكره القريب او بكره البعيد مش فارقه.. هو كله تفكير فى المستقبل.
سمسمه
هبه مش بتحب صور العيون خالص..
فكرة ان الواحد يكبر ويعجر وميبقاش هو من اكتر الحاجات اللى بتشغلنا..
لما ابقى جده ان شاء الله هيكون شكلى ايه؟؟
حسام
انا مبسوطه انى عند حسن ظنك وكلامى بيسعدك.. يارب كده على طول
ربنا يخليكى يا هبه انا كنت هقول كده بالظبط بس كنت ماسكه نفسى
مبحبش صور العيون خالص عشان كده لازم مش تحبيها يا اسماء اوك
والحاجه التانيه الخطوط اكيد انتى عارفاها هيه ايه بس بلاش عشان احنا على الهواء
حاولى بقى مش تحبيهم اوك
كلها احتمالات
هتفضلى كده محتاره بين الاحتمالات دى كتير من غير يقين؟
ولا يهمك يا قمر
بكره احلى من النهارده
بس بلاش تفكرى كتير عاشن التفكير بجد وحش اوى
جميل البوست يا هبه وكل كلامك جميل جدا انتي موهوبه بجد ما شاء الله
وكل حاجه محتمل انها تحصل بس اللي بيحصل بجد هوا اي حاجه وحشه فمتتوقعيش الحلو ابدا عشان متتصدميش هيا الدنيا كده ماشيه معانا بالعكس
اييييييييييه دنيا
بلاش و النبى كلمة:
العنك و العن هواك
وجعتى قلبى
(-:
ريمان
منوره يا عسل..
لكيد بكره احسن من النهارده..انا متأكده من كده..
نوستاجيا
تفائلوا خيرا تجدوا خيرا..
هو مش خير ولا ايه؟؟
nader
سلامة قلب حضرتك...
عندك اقتراح تانى غير العنك والعن هواك؟؟
انتي اجمد واحده شفتها في حياتي
واحن قلب شفته في حياتي
واصدق احساس شففته في حياتي
واجدع صاحبه شفتها في حياتي
واروع موهبه شفتها برضه في حياتي
تفتكربي يابوبي واحده فيها كل المواصفات دي ماتستاهلش ان بكرة وبعده وكل يوم يبقي احسن عشانها؟؟
احتمال
و احتمال
و احتمال..
مين يفكر؟
مين يفسر؟
مين يجاوب عالسؤال؟؟
***
ومفيش اجابة والإجابه سؤال بيزيد الحيره يبقى الحل
اننا نبطل تفكير ومنحطش أى احتمال
ونعيش دلوقتى من غير منرسم لوحة بكره
جميل اوى
واحتمال نبعد بعيد
ويبقى فراقنا ده عيد
و ألعنك و ألعن هواك
وانتظر حبى الجديد..
جامده جداً:)
تحياتي ليكي
شيماء:)
مى
اللى يشوف الكلام ده يقول انى دفعالك فلوس عشان تقوليه..
لعلمك بقى ده احلى تعليق جالى فى حياتى..
شيماء
منوره يا عسل..
طبعا اريح حاجه ان احنا منفكرش فى حاجه بس هل هو ده اللى بيحصل فعلا؟؟
رغم ان الاحتمال
هو ضرب م الخيال
انما جايز
و ممكن
محتمل
يبقى الامل
يبقى العمل
ف اليوم .. لبكره يحتمل
و يكون نجاه
من شرك دوامة المحال
تبلعنا جواها .. فننقص
و لو خرجنا .. اللى ناقص .. يكتمل
___________________________
جميل ما خط قلمك هنا
روعه بجد
سهر
منوره طبعا..
وعجبنى ردك جدا..
دمتى بود
هابي اكيد بكرة حلو كتير بس لو احنا عاوزينه حلو . احتمال اتحدي حلمي واسبقه واسبق زماني حلو اوي الجمله دي بس خياليه شويه ولا ايه . احتمال اعجز اوي وانا لسا في سن التلاتين صعب اوي الاحتمال دة لازم يبقي في امل للحياة والشباب وبعدين لازم نفكر في بكرة وال هيحصل بكرة ونتنبأبالنجاح في كل حياتنا علي فكرة انا مش معترض عي الخاطرة هيا كتير حلوة بس لو اعتربتها تحزير من ال فيها يا ريت نعدي فترة الاحتمالات والتفكير وندخل فترة التنفيذ
تقبلي مروري
إرسال تعليق